• За Институтот
  • Курсеви
  • Блог
  • Продавница
  • Контакт
    • Регистрирај сеНајави се
Kурсеви за практични вештиниKурсеви за практични вештини
  • За Институтот
  • Курсеви
  • Блог
  • Продавница
  • Контакт
    • Регистрирај сеНајави се

Иднината на сметководствената професија

  • Дома
  • Блог
  • Иднината на сметководствената професија
  • Вредноста на сертификатите: Кој кого лаже?

Вредноста на сертификатите: Кој кого лаже?

  • Објавено од Весна Мицајкова
  • Категории Иднината на сметководствената професија
  • Датум 10/06/2026

Живееме во систем кој со децении нè учеше дека формата е поважна од суштината. Нè дресираа да бркаме хартии, дипломи и уверенија, верувајќи дека штом ќе ги ставиме во фиока, со тоа автоматски сме си ја осигуриле иднината и кариерата.

Ајде размислете убаво, колку од вас добиле повисока плата поради одреден сертификат?

Особено високото образование, масовно им ги земаше на луѓето парите, штанцајќи дипломи. Деновиве сме сведоци на една поразителна вест – дипломирани лекари од Медицинскиот факултет во Штип ги депортираат од Словенија бидејќи немаат основни познавања од медицина.

За штетата од ова врз целото општество нема ни потреба да се дискутира. Но, што е со штетата врз тие дипломирани поединци?

Бидејќи живееме во систем со извитоперени вредности, многумина сигурно ќе речат: „Им е гајле, си станале доктори!“ – важно е само дека се „снашле“ и се стекнале со титулата, без оглед на последиците. Но, само ограничен човек би помислил дека незнаењето да ја вршиш својата професија води кон некој среќен живот.

Парадоксот во сметководството: Армија со уверенија, а колку со знаење?

Оваа матрица со години се пресликува и во нашата професија. Имаме цела армија сметководители со уверение, добиено поради завршено соодветно формално образование и одреден работен стаж. А, колку од нив навистина знаат да ја вршат својата професија?

Дури и задолжителните КПУ обуки, наместо да бидат простор за учење и поддршка на сметководителите со знаење што им е потребно, се претворија во бирократска диктатура на пазарот. Сметководителите се принудени да следат предавања кои не им носат реална вредност, само за да си го задржат уверението.

До кога ќе трае ова?

Големиот ресет на вештачката интелигенција

Крајот на оваа илузија ќе дојде побрзо отколку што мислиме, а катализатор ќе биде вештачката интелигенција (АИ). Моментот кога АИ ќе ги преземе оперативните функции на внесување податоци во сметководството, правилата на игра драматично се менуваат.

Под влијание на АИ, компјутерските програми ќе станат неверојатно поедноставни за користење. Тоа значи дека само техничките знаења (кликнувањето и внесувањето) повеќе нема да бидат на цена. Пазарот брутално ќе бара суштинско познавање на сметководството.

Верувам дека системот кој „го штити интересот на сите“ нема лесно да се откаже од своите извори на приходи и парите од лиценци. Но, самите уверенија за овластени сметководители ќе мора да се надополнат со вистински сметководители – без оглед на тоа дали имале или немале формално уверение. Бизнисот во новата ера ќе плаќа за суштинско знаење, а не за мртва хартија во фиока.

Не е лошо да се подготвиме. Промените се веќе пред нас.

Сметководство #ИнститутПрактикум #ОвластенСметководител #АИвоСметководството #ВештачкаИнтелигенција #ЗнаењеНадДиплома #СистемскиПромени #ПрофесионаленРазвој #Кариера

  • Сподели:
User Avatar
Весна Мицајкова
Весна Мицајкова е доктор по економски науки со повеќе годишно искуство во финансискиот сектор и искуство како предавач на група предмети од областа на сметководството и финансискиот менаџмент на високообразовна институција.

Претходен напис

Подгответе се, промени во професијата брзо доаѓаат!
10/06/2026

Нареден напис

Од пасивно слушање до активно учење: гејмификацијата и учењето базирано на игра
12/10/2026

Може да Ви се допадне и

ПодготвиСеЗаПромени
Подгответе се, промени во професијата брзо доаѓаат!
5 јуни, 2026
FabrikaPoslusnost
Фабриката за „послушност“ – од училишните клупи до канцеларија
3 јуни, 2026
ИднинаНаПрофесијата3
Крај на една ера во сметководството: „Во кој софтвер знаеш да работиш?“
26 мај, 2026

Категории

  • Анализа на финансиски извештаи
  • Анализа на финансиски индикатори
  • Бизнис
  • Иднината на сметководствената професија
  • Искуство на учесници
  • Некатегоризирано
  • НОВОСТИ
  • Образование на возрасни
  • Планирање и предвидување
  • Управување со залихи
  • Управување со трошоци
-
logo-eduma-the-best-lms-wordpress-theme
kontakt@casoviposmetkovodstvo.mk
++389 075/747-480

Институт Практикум © 2016-2025 All rights reserved.

  • Услови на употреба
  • Политика на приватност

Најави се

Ја заборави лозинката?

Не си член се уште? Регистрирај се сега

Register a new account

Дали си член? Најави се

Facebook