• За Институтот
  • Курсеви
  • Блог
  • Продавница
  • Контакт
    • Регистрирај сеНајави се
Kурсеви за практични вештиниKурсеви за практични вештини
  • За Институтот
  • Курсеви
  • Блог
  • Продавница
  • Контакт
    • Регистрирај сеНајави се

Иднината на сметководствената професија

  • Дома
  • Блог
  • Иднината на сметководствената професија
  • Подгответе се, промени во професијата брзо доаѓаат!

Подгответе се, промени во професијата брзо доаѓаат!

  • Објавено од Весна Мицајкова
  • Категории Иднината на сметководствената професија
  • Датум 05/06/2026

Толку сме навикнати на бавните промени во нашето општество, што мислиме дека некои работи едноставно ќе нè заобиколат. Слушаме нешто што се случува во некоја понапредна држава и велиме: „Еее, тоа кај нас којзнае кога ќе дојде“. За жал, тука не сме сведоци на прогрес кој ни го унапредува животот, туку на истата неефикасност во различна амбалажа. И тоа е вистината за општествените системи – кога мислиме дека не може да биде полошо, тие нè изненадуваат.

Но, тоа не важи за технолошките промени. Тие едноставно доаѓаат, и ако не се прилагодиме на нив, нема да можеме да функционираме.

До пред само неколку години, многумина немаа ни слушнато за вештачката интелигенција, а денес не можат да го замислат секојдневието без неа. ChatGPT беше лансиран на 30 ноември 2022 година – пред само три и пол години. А погледнете денес: речиси нема човек кој не слушнал за него, а вештачката интелигенција масовно се користи во повеќето индустрии и во секојдневниот живот.

Се сеќавате ли колку брутално се форсираше програмирањето? Луѓето масовно запишуваа брзи образовни програми за кодирање, им се гарантираше огромна заработувачка, преку ноќ стануваа „програмери“ и почнуваа да заработуваат. Меѓутоа, денес веќе нема потреба од тие чисто технички вештини – АИ е тој кој го замени механичкото пишување код.

Работата отиде до таа мера што и луѓето кои работат во финансии завршуваа обуки за програмирање само за да можат да анализираат финансиски извештаи. И лицата кои вршеа научни истражувања учеа кодирање за да ги обработат податоците за своите трудови. Каква глупост! Целиот акцент беше ставен на стекнување на непотребни и тешки технички вештини, наместо на суштината.

Вистината е таа: техничките вештини секогаш ќе застаруваат, а суштинското разбирање на професијата секогаш ќе биде „ин“.

Како што АИ ги замени техничките вештини кои до вчера важеа за најперспективни, така комплетно ќе ги замени и сметководствените операции кои со децении се извршуваа на ист начин, а во кои сè уште е инволвиран најголемиот дел од сметководствената фела.

И ова може да се случи со огромна брзина. Еве, нашите телекомуникациски компании се дел од големи меѓународни мрежи. Во моментот кога странскиот сопственик ќе реши дека АИ е поефикасен од луѓето што рачно внесуваат податоци, тие позиции ќе исчезнат преку ноќ и многумина ќе останат без работа.

Ако немате ништо друго да понудите освен механичко извршување – ќе бидете заменети. Подгответе се навреме!

  • Сподели:
User Avatar
Весна Мицајкова
Весна Мицајкова е доктор по економски науки со повеќе годишно искуство во финансискиот сектор и искуство како предавач на група предмети од областа на сметководството и финансискиот менаџмент на високообразовна институција.

Претходен напис

Фабриката за „послушност“ – од училишните клупи до канцеларија
05/06/2026

Нареден напис

Вредноста на сертификатите: Кој кого лаже?
10/06/2026

Може да Ви се допадне и

ВредностаСертификати
Вредноста на сертификатите: Кој кого лаже?
10 јуни, 2026
FabrikaPoslusnost
Фабриката за „послушност“ – од училишните клупи до канцеларија
3 јуни, 2026
ИднинаНаПрофесијата3
Крај на една ера во сметководството: „Во кој софтвер знаеш да работиш?“
26 мај, 2026

Категории

  • Анализа на финансиски извештаи
  • Анализа на финансиски индикатори
  • Бизнис
  • Иднината на сметководствената професија
  • Искуство на учесници
  • Некатегоризирано
  • НОВОСТИ
  • Образование на возрасни
  • Планирање и предвидување
  • Управување со залихи
  • Управување со трошоци
-
logo-eduma-the-best-lms-wordpress-theme
kontakt@casoviposmetkovodstvo.mk
++389 075/747-480

Институт Практикум © 2016-2025 All rights reserved.

  • Услови на употреба
  • Политика на приватност

Најави се

Ја заборави лозинката?

Не си член се уште? Регистрирај се сега

Register a new account

Дали си член? Најави се

Facebook