• За Институтот
  • Курсеви
  • Блог
  • Продавница
  • Контакт
    • Регистрирај сеНајави се
Kурсеви за практични вештиниKурсеви за практични вештини
  • За Институтот
  • Курсеви
  • Блог
  • Продавница
  • Контакт
    • Регистрирај сеНајави се

Анализа на финансиски индикатори

  • Дома
  • Блог
  • Анализа на финансиски индикатори
  • Kоефициент на обрт на залихи

Kоефициент на обрт на залихи

  • Објавено од Весна Мицајкова
  • Категории Анализа на финансиски индикатори, Управување со залихи
  • Датум 20/10/2016
  • Коментари 0 коментари

Коефициентот на обрт на залихите е мошне значаен индикатор на деловната активност на претпријатието, кој се пресметува на следниот начин:

Обрт на залихите = Трошоци на продадени производи / Просечни залихи

Под просечни залихи во горенаведената формула се смета просечното салдо на сметката Залихи на готови производи од почетокот и крајот на разгледуваниот пресметковен период.

Овој показател ја прикажува ефикасноста на претпријатието во управувањето со залихите, односно покажува колку пати залихите на компанијата се претвораат во готови пари во текот на една година. Доколку неговата вредност е поголема се смета дека е подобро управувањето со залихите, бидејќи тоа значи дека со понизок износ на залихи е остварен поголем волумен на реализација.untitled

Секое претпријатие треба да одржува минимално потребно ниво на залихи, бидејќи чувањето на залихи повлекува различни трошоци (ризик од застареност на залихите, трошоци во врска со обезбедување на складишен простор, дополнителни трошоци за манипулација и осигурување, камати за ангажираните средства). А, ако се потсетиме на формулата за пресметка еден од основните индикатори на профитабилност ROA, ќе забележиме дека пониското ниво на залихи директно влијае врз зголемување на вредноста на овој индикатор, односно брз зголемување на профитабилноста на деловното работење.

Пониското ниво на залихи во претпријатието значи пониски трошоци за управувањето со залихите, но и премногу ниските залихи можат да предизвикаат дополнителни трошоци на работењето (губење на количински рабат, неможност количински да се задоволат побарувањата на купувачите, губење на купувачите, дополнителни трошоци за реклама и сл.). Минималното ниво на залихи кое претпријатието треба да го одржува во голема мера зависи од видот на индустријата во која претпријатието стопанисува. Со оглед на тоа, коефициентот на обрт на залихите на едно претпријатие треба да го гледаме во рамките на просечниот обрт во индустријата во рамките на која претпријатието делува. Претпријатието кое има најголем обрт во рамките на индустријата може да го сметаме за најефикасно. Споредбата на коефициентите на обрт на залихите на претпријатија од различни индустрии не е соодветна.

Споредба на коефициентот на обрт на залихите на вашата компанија со американските компании од истата индустрија може да извршите врз основа на податоците на: http://www.bizstats.com/corporation-industry-financials/. Само изберете го типот на индустријата и под Industry Financial Ratios може да ја видите вредноста на коефициентот на обрт на залихите означен со англискиот назив Inventory Turnover. Во отсуство на статистички податоци за нашето стопанство, ова споредба може да ви биде мошне корисна за да видите каде стои вашиот бизнис во однос на просекот во развиените стопанства.

На коефициентот на обрт на залихите ќе го надоврземе и индикаторот за просечните денови на врзување во залихи кој се пресметува на следниот начин:

Денови на врзување во залихи = 365 / Показател на обрт на залихи

Овој показател ја покажува ликвидноста на залихите, односно покажува колку е просечниот број на денови за кои компанијата ги претвора залихите во готови пари. Неговата поголема вредност укажува на помала ефикасност на работењето и обратно. Менаџментот на секоја компанија настојува да ја одржува вредноста на овој индикатор на минимално ниво со цел да ги минимализира трошоците за одржување на залихи, а притоа да не загрози нормалното снабдување на коминтентите.

Во продолжение се прикажани биланс на состојба и биланс на успех на едно претпријатие, врз основа на чии податоци ќе ги пресметаме гореспоменатите индикатори на деловна активност.

Биланс на состојба 2015 2014
Средства 8.693.000 8.565.000
Постојани средства 4.553.000 4.455.000
Материјални средства 3.700.000 3.700.000
Нематеријални средства 750.000 650.000
Вложувања во хартии од вредност 3.000 5.000
Вложувања во подружници 100.000 100.000
Тековни средства 4.140.000 4.110.000
Залихи 1.400.000 1.300.000
Побарувања од купувачите 2.500.000 2.500.000
Останати побарувања 150.000 250.000
Пари и парични еквиваленти 90.000 60.000
Акционерска главина и обврски 8.693.000 8.565.000
Капитал и резерви 7.303.000 7.015.000
Акционерски капитал 2.703.000 2.715.000
Останати резерви 1.300.000 1.300.000
Задржана добивка 3.300.000 3.000.000
Долгорочни обврски 50.000 170.000
Долгорочни кредити 50.000 170.000
Тековни обврски 1.340.000 1.380.000
Обврски кон добавувачите и останати обврски 950.000 1.000.000
Краткорочни обврски 390.000 380.000

 

Биланс на успех 2015 2014
Приходи од продажба 5.700.000 5.650.000
Трошоци на продадени производи 3.000.000 2.850.000
Бруто добивка 2.700.000 2.800.000
Трошоци за истражување и развој 46.000 39.000
Трошоци за продажба и маркетинг 1.750.000 1.900.000
Административни трошоци 270.000 270.000
Добивка од работењето 634.000 591.000
Трошоци на финасирањето 30.000 31.000
Добивка пред оданочување 604.000 560.000
Данок на добивка 60.400 56.000
Нето-добивка 543.600 504.000

Обрт на залихите = Трошоци на продадени производи / Просечни залихи = 3.000.000/((1.400.000+1.300.000)/2))=2,22

Денови на врзување во залихи = 365 / Показател на обрт на залихи = 365/2,22 = 164

Коефициентот на обрт на залихите од 2,22 ни покажува дека анализираната компанија ги претвора залихите во готовина просечно 2,22 во текот на една година, односно просечниот број на денови на чување на залихи изнесува 164. Доколку не станува збор за специфична индустрија, кадешто има некоја причина за подолго чување на залихи, вредностите на овие показатели би ни укажале на ниска ефикасност на работењето на компанијата, слаба продажба, високи трошоци за одржувањето на залихите, ниска ликвидност и сето тоа секако би имало и негативни ефекти врз профитабилноста.

  • Сподели:
Весна Мицајкова
Весна Мицајкова е доктор по економски науки со повеќе годишно искуство во финансискиот сектор и искуство како предавач на група предмети од областа на сметководството и финансискиот менаџмент на високообразовна институција.

Претходен напис

Индикатори на деловна активност
20/10/2016

Нареден напис

Влијанието на методите за вреднување на залихите врз финансиските извештаи
28/10/2016

Може да Ви се допадне и

pazarni-indikatori
Индикатори на пазарна вредност
2 декември, 2016
Влијанието на методите за вреднување на залихите врз финансиските извештаи
28 октомври, 2016

Во склопот на лекциите по финансиско сметководство веќе зборувавме за основните методи на вреднување на залихите: ФИ-ФО, ЛИ-ФО и пондериран просек. Изборот на соодветниот метод влијае врз трошоците на продадени производи при книговодствената евиденција на продажбата (потсетете се на евиденцијата …

Индикатори на деловна активност
14 октомври, 2016

Показателите за користењето (употреба) на средствата на компанијата, познати како показатели за обртот, се користат за проценка на користa од различните облици на средства и затоа се среќаваат и како показатели за ефикасноста на користење на средствата на компанијата. Ефикасноста …

Остави реплика Откажи одговор

Мора да се пријавите за да испратите коментар.

Категории

  • Анализа на финансиски извештаи
  • Анализа на финансиски индикатори
  • Бизнис
  • НОВОСТИ
  • Планирање и предвидување
  • Управување со залихи
  • Управување со трошоци
-
logo-eduma-the-best-lms-wordpress-theme
kontakt@casoviposmetkovodstvo.mk
++389 075/747-480

Институт Практикум © 2016-2022 All rights reserved.

  • Услови на употреба
  • Политика на приватност

Најави се

No apps configured. Please contact your administrator.

Ја заборави лозинката?

Не си член се уште? Регистрирај се сега

Register a new account

Дали си член? Најави се

Facebook