Финансиско планирање и предвидување (онлајн)

Опис на курсот

Планирањето е неопходно за остварување на деловен успех и отсуството на планирање се вбројува во 7-те основни причини за пропаѓање на бизнисите. Економското окружување е неизвесно, а со сметководственото планирање подобро се излегува во пресрет на таа неизвесност. Планирањето е тесно поврзано со предвидувањето и заедно се сметаат за основа на рационалното и ефикасно деловно одлучување.

Основна цел на сметководственото планирање е, врз основа на споредба на планираното и реализираното, да се изврши контрола на работењето и да се утврдат мерки за негово унапредување. Точноста на прогнозата, при поставување на планот е исклучително важна, бидејќи значајните грешки во предвидувањето водат кон лоши деловни одлуки и неефикасен менаџмент воопшто.

Доколку сакате да ја зголемите профитабилноста и ефикасноста на Вашиот бизнис и да ја намалите изложеноста на ризик од неизвесноста во економското окружување, или пак сакате да ја зголемите Вашата конкурентна предност на пазарот на трудот, курсот за финансиско планирање и предвидување е тоа што Ви е потребно.

Курсот за финансиско планирање и предвидување, преку практични примери, ќе Ве оспособи да вршите финансиско планирање и предвидување во Excel и да изработувате комплетни проформа финансиски извештаи.

Цели на курсот / Очекувани резултати

• Да научите да изработувате финансиска прогноза со примена на методите: Moving Average, Exponential Smoothing и линеарна регресија;
• Да научите да вршите избор на најточна прогноза;
• Да научите да изработувате проформа биланс на успех, проформа биланс на состојба и проформа извештај за парични текови;
• Да научите да вршите анализа на сензитивноста на планот.

Курсот е наменет за:

• Лицата, кои работат сметководство, планирање или анализа;
• Лицата, коишто имаат менаџерски позиции;
• Сите оние кои планираат да градат кариера во областа на сметководството, финансиите и менаџментот.

Начин на реализација на курсот:

На веб-страницата се поставени видео лекции за сите тематски единици, вклучени во курсот. Под делот КУРИКУЛУМ може да ги прочитате називите на сите лекции. До лекциите може да пристапувате во било кое време што Ви одговара Вам, нема ограничување во однос на бројот на преслушувања на една лекција, но целиот курс мора да го завршите во рок од 4 недели, по што пристапот до курсот ќе Ви биде прекинат.

Времетраење на курсот: 4 недели

Кандидатите, кои успешно ќе го завршат курсот, добиваат сертификат. Сертификатот е електронски.

Начин на запишување на курсот:

Притиснете на жолтото копче КУПИ ГО КУРСОТ и по внесување на Вашите податоци изберете метод за плаќање. На располагање Ви стојат два метода: уплата во банка и плаќање со платежна картичка. Штиклирајте го полето пред Ги прочитав и се согласувам со условите и притиснете НАРАЧАЈ. Доколку изберете уплата во банка, ќе ги добиете генералиите за плаќање по e-mail порака. Откако ќе ја регистрираме Вашата уплата, ќе Ви овозможиме пристап до курсот и ќе добиете повратен e-mail со известување за тоа. Доколку изберете уплата со платежна картичка, ќе бидете пренасочени на страницата на CaSys за реализација на плаќањето. Пристапот до курсот ќе Ви биде овозможен, веднаш по реализацијата на плаќањето.

Откако пристапот до курсот ќе Ви биде овозможен, до курсот ќе може да пристапите преку елементот профил од главното мени на веб-страницата.

НАПОМЕНА: Избегнувајте го Internet Explorer, подобро е да го следите курсот преку поновите пребарувачи (на пример Chrome).

За да може да направите нарачка на курсот, прво треба да се регистрирате на веб-страницата. Постапката за регистрација е следната:

• Притиснете на жолтото копче НАЈАВИ СЕ, кое се наоѓа до главното мени;
• Изберете го линкот Регистрирај се сега;
• Внесете корисничко име и E-mail адреса и притиснете на жолтото копче ЗАПИШИ СЕ;
• Потоа ќе добиете e-mail порака за креирање на лозинка. Доколку пораката не стигне во Inbox сандачето, Ве молиме проверете го Spam/Junk е-mail сандачето.

финансиско планирање, финансиско предвидување, проформа финансиски извештаи, планирање на продажбата, финансиска прогноза, практични вештини, курс, finansisko planiranje, finansisko predviduvanje, proforma finansiski izvestai, planiranje na prodazbata, finansiska prognoza, prakticni vestini, kurs