Обука за финансиски аналитичар

ОБУКАТА ЗА ФИНАНСИСКИ АНАЛИТИЧАР Е КОМПЛЕТНО ПРИЛАГОДЕНА ЗА ОНЛАЈН СЛЕДЕЊЕ

Опис на обука

Професијата финансиски аналитичар е престижна и многу барана во развиениот свет. Кај нас оваа професија е релативно нова и малкумина имаат вештини за извршување на истата. Анализата на побарувачката на пазарот на трудот на Република Македонија укажува на се поголема побарувачка за овој тип на кадри, особено од страна на претпријатијата со странски капитал. Фирмите со странски капитал се повеќе бараат работна сила со вакви вештини, бидејќи за странците финансиската анализа и планирањето се сметаат за неопходност во секој бизнис. Од другата страна, понудата на кадри, стручни за извршување на овие задачи, е релативно мала, па инвестицијата во обуката за стекнување на знаења и вештини за извршување на обврските и задачите на професијата финансиски аналитичар, може значајно да ги зголеми Вашите кариерни можности.

Обуката за финансиски аналитичар, организирана од Институтот Практикум вклучува 5 модули:

1. Сметководство;
2. Excel за финансиски аналитичари;
3. Анализа на финансиски извештаи; 
4. Финансиско планирање и предвидување;
5. Управување со обртен капитал.

Целта на оваа обука е да ги обучи учесниците за извршување на обврските и задачите на професијата финансиски аналитичар.

Модул: Сметководство

Неопходен предуслов за вршење на финансиска анализа е познавањето на сметководството. Наставната програма од овој модул ќе Ви овозможи стекнување на суштински познавања на сметководството, правилата и принципите на книговодствената евиденција, начинот на изработка, содржината и структурата на финансиските извештаи (билансот на состојба, билансот на успех и извештајот за парични текови).

Реализацијата на овој модул ќе се врши по образовна програма врз основа на книгата на  д-р Весна Мицајкова: Научи сметководство преку практични примери. Содржината на книгата може да ја погледнете ТУКА. Наставната програма на модулот сметководство кореспондира со содржината на книгата.

Модул: Ехcel за финансиски аналитичари

Познавањето на компјутерската програма Excel при извршување на работните задачи во доменот на финансиите, сметководството, планирањето и анализата е речеси неопходно. Програмата Excel може значително да ви го олесни и скрати времето за извршување на работните задачи. Во склопот на модулот Excel за финансиски аналитичари, на практични примери, ќе може да научите како да ја користите оваа моќна алатка во процесот на финансиска анализа.

Реализацијата на овој модул ќе се врши по образовна програма врз основа на книгата на  д-р Весна Мицајкова: Excel за сметководители и финансиски аналитичари. Содржината на книгата, може да ја погледнете ТУКА. Наставната програма на модулот Excel за финансиски аналитичари кореспондира со содржината на книгата.

Модул: Анализа на финансиски извештаи

Секој финансиски аналитичар мора да знае да ги чита финансиските извештаи. Анализата на финансиските извештаи овозможува да се согледуваат слабостите и потенцијалите на работењето, а врз основа на тоа да се превземат мерки за унапредување на деловните перформанси.

Очекуваните резултати од овој модул се следните:

• Разбирање на содржината и структурата на финансиските извештаи;
• Совладување на техниките за хоризонтална и вертикална анализа на финансиските извештаи;
• Совладување на поимот и начинот на пресметка на финансиските индикатори на работењето и толкување на нивните вредности;
• Стекнување на знаења и вештини за оценка на ликвидноста, пазарната позиција, финансиската структура, профитабилноста, ефикасноста и пазарна вредност на претпријатијата;
• Стекнување на знаења и вештини за анализа на паричните текови.

Материјалот кој ќе се изучува во склопот на овој модул и задачите за вежбање исто така ќе ги добиете во форма на книга.

Модул: Финансиско планирање и предвидување

Планирањето е неопходно за остварување на деловен успех и отсуството на планирање се вбројува во основни причини за пропаѓање на бизнисите. Економското окружување е неизвесно, а планирањето ќе ви овозможи да и излезете во пресрет на таа неизвесност. Курсот за финансиско планирање и предвидување ќе ве обучи да изработувате сметководствени планови, кои ќе претставуваат основа за анализа, контрола и организација на работењето, а со тоа и основа на унапредување на ефикасноста и профитабилноста на работењето.

Очекуваните резултати од овој модул се следните:

• Да научите да изработувате финансиска прогноза со примена на методите: Moving Average, Exponential Smoothing и линеарна регресија;
• Да научите да вршите избор на најточна прогноза;
• Да научите да изработувате проформа биланс на успех, проформа биланс на состојба и проформа извештај за парични текови;
• Да научите да вршите анализа на сензитивноста на планот.

 Модул: Управување со обртен капитал

Обртниот капитал, како разлика меѓу тековните средства и тековните обврски, има исклучително значење во процесот на реализација на секојдневните оперативни активности на претпријатието. Управувањето со обртниот капитал се однесува на управување со паричните средства, побарувањата од купувачите, залихите и обврските кон добавувачите.

Претпријатијата мора да чуваат парични средства за подмирување на своите обврски, меѓутоа паричните средства повлекуваат опортунитетни трошоци, односно изгубен приход, којшто би можел да се оствари при нивното инвестирање.

Претпријатијата мора да ги кредитираат купувачите, преку продажба на одложено плаќање (и на тој начин да креираат побарувања), бидејќи во спротивно може да ги изгубат купувачите поради нивната ориентација кон конкуренцијата. Меѓутоа, побарувањата од купувачите повлекуваат ризик од ненаплативост, а неможноста да се наплатат побарувањата предизвикува загуба.

Претпријатијата мора да чуваат залихи за да може да ги задоволат нарачките од купувачите, меѓутоа залихите повлекуваат трошоци за нивното чување (трошоци за магацински простор, трошоци за манипулација и осигурување, камата на ангажираните средства) и ризик од застареност.

Обврските кон добавувачите може да се користат како извор на краткорочно финансирање, бидејќи ако претпријатието го одложи плаќањето на обврските ќе може да ги користи ослободените парични средства за други цели. Меѓутоа, со одложувањето на плаќањето, претпријатието може да го изгуби својот кредитен рејтинг кај добавувачот, а тоа може да резултира и со прекин на испораката од страна на добавувачот.

Во модулот Управување со обртниот капитал ќе учиме како да утврдиме оптимален износ на тековните средства и тековните обврски и како да управуваме со нивните износи, со цел минимализација на трошоци, а без притоа да се наруши квалитетот и континуитетот на работењето.

Траење на курсот: околу 15 недели

Почеток на курсот: 3 септември 2020 (втора група)

Термини: групата ќе се среќава онлајн секој четврток во 18 часот

Начин на реализација на курсот: Сите предавања се поставени како видео лекции, до кои може да пристапувате во било кое време што Ви одговара. Нема ограничување во однос на бројот на преслушувања на една лекција, во рамките на времетраењето на курсот. Групата ќе се среќава еднаш неделно со професорот преку ZOOM. На средбите ќе се договараме за материјалот којшто треба да се помине за наредната недела, ќе ги поминуваме заедно тестовите за проверка на знаењето од поминатите лекции и ќе имаме можност да дискутираме околу сите нејасни прашања и прашања од интерес.

МОЖЕ ДА ГО ПОГЛЕДНЕТЕ И ВИДЕОТО СО ПРЕЗЕНТАЦИЈАТА НА КУРСОТ

Термини: Групата ќе се среќава онлајн секој понеделник во 18:00.

Книги и материјали за учење и вежбање

Сите учесници во обуката ги добиваат електронските книги:

Научи сметководство преку практични примери; 

Excel за сметководители и финансиски аналитичари; и

Анализа на финансиски извештаи,

како и прирачник за финансиско предвидување и планирање.

За управување со обртниот капитал следуваат материјали за учење и вежбање.

Автор на сите материјали е д-р Весна Мицајкова.

Покрај објаснувањето на лекциите материјалите вклучуваат и тестови на знаењето, задачи и вежби на реални примери.

Проверка на знаење и сертификати:

Проверката на знаењата за сметководство, Excel и основите на финансиската анализа и планирање ќе се изврши преку тест. Со успешното решавање на овој тест кандидатите ќе добијат сертификат за финансиски службеник. Овој сертификат има својство на државна диплома и истиот може да го пријавите како квалификација во Агенцијата за вработување.

Проверката на знаењето на анализата на финансиски извештаи ќе се изврши преку проектна задача односно анализа на случај. Секој учесник ќе си избере одредена компанија на чии финансиски извештаи ќе изврши анализа.

Проверката на знаењето за финансиско планирање и предвидување ќе се изврши преку решавање на две поставени задачи. Првата задача ќе се однесува на изработка на прогноза на приходите за продажба на едно претпријатие со користење на повеќе методи и избор на најточна прогноза со примена на методот на статистички грешки. Втората задача ќе биде врз основа на податоците од минатото и одредени зададени параметри да изработите планиран биланс на состојба, планиран биланс на успех и планиран извештај за парични текови на односното претпријатие.

Проверката на знаењето за управувањето со обртниот капитал ќе се изврши врз основа на тест.

Сите учесници во обуката ќе добијат СЕРТИФИКАТ ЗА УЧЕСТВО на обука за финансиски аналитичар.

Врз основа на резултатите на задачите и тестовите за проверка на знаењето, учесниците во обуката ќе добијат препорака со детална спецификација на знаењата и вештините, кои ги стекнале за време на обуката.

Начин на запишување на обуката:

Притиснете на жолтото копче КУПИ ГО КУРСОТ и по внесување на Вашите податоци изберете метод за плаќање. На располагање Ви стојат два метода: уплата во банка и плаќање со платежна картичка. Штиклирајте го полето пред Ги прочитав и се согласувам со условите и притиснете НАРАЧАЈ. Доколку изберете уплата во банка, ќе ги добиете генералиите за плаќање по e-mail порака.

За да може да направите нарачка на курсот, прво треба да се регистрирате на веб-страницата. Постапката за регистрација е следната:

• Притиснете на жолтото копче НАЈАВИ СЕ, кое се наоѓа до главното мени;
• Изберете го линкот Регистрирај се сега;
• Внесете корисничко име и E-mail адреса и притиснете на жолтото копче ЗАПИШИ СЕ;
• Потоа ќе добиете e-mail порака за креирање на лозинка. Доколку пораката не стигне во Inbox сандачето, Ве молиме проверете го Spam/Junk е-mail сандачето.

Финансиски аналитичар, finansiski analiticar, finansiska analiza, finansisko planiranje, analina finansiski izvestai, obuka, kurs, prakticni vestini, финансиски аналитичар, финансиска анализа, финансиско планирање, анализа на финансиски извештаи, обука, курс, практични вештини