Обука за занимање: Референт за плати и надоместоци на вработените: Payroll Specialist

Професор

Весна Мицајкова

Категории

Занимање

Оцена

(0 оцени)

90.000,00 ден 84.000,00 ден

Државна верификација

Обуката се реализира по програма, верификувана од Центарот за образование на возрасни и Министерството за образование на Република Македонија. Добиениот сертификат од оваа обука има статус на државна диплома и истиот може да се пријави како квалификација во Агенцијата за вработување.

Опис на обуката

Занимањето специјалист за плати и надоместоци на вработените e многу комплексно и бара познавања од обемна правна регулатива, познавања од финансиското сметководство, даночното сметководство и технички вештини за користење на електронските портали на Управата за јавни приходи: МПИН и е-пдд.

Основна цел на оваа обука е да продуцира кадри за комплетно самостојно вршење на оваа професија, односно лицата, кои успешно ќе ја завршат обуката, ќе стекнат знаења и вештини за:

Правата на работниците за плати и надоместоци на плати согласно правната регулатива на нашата држава;
Пресметка на плати, надоместоци на плати и даноците по овој основ;
Импликациите на платите и надоместоците на врз данокот за личен доход и данокот на добивка;
Процесирање на платите и надоместоците на вработените преку електронските системи на УЈП: МПИН и e-pdd.

КОМПЛЕТНАТА ПРОГРАМА НА ОБУКА МОЖЕ ДА ЈА ПРОЧИТАТЕ ПОДОЛУ

Курсот е наменет за:

Сметководителите, кои сакаат да се специјализираат во оваа област;
Правниците, кои сакаат да се специјализираат во оваа област;
Сите оние кои сакаат да извршат преквалификација и да стекнат конкретни знаења и вештини за самостојно вршењe на работа на ниво на занимање.

Потребни предзнаења:

Не се потребни предзнаења – кандидатите треба да имаат минимум завршено средно образование.

МОЖЕ ДА ЈА ПОГЛЕДНЕТЕ И ВИДЕО ПРЕЗЕНТАЦИЈАТА ЗА ОБУКАТА!

Времетраење на обуката: 6 месеци

Можности за вработување:

Занимањето специјалист за плати и надоместоци на вработените е многу перспективно подари тоа што во нашата држава недостасуваат кадри, кои се обучени за комплетно покривање на оваа област, од една страна, а од друга страна потенцијалните можности за вработување се големи. Потреба за кадри од овој профил имаат:

сите компании со поголем број на вработени;
сите државни и јавни институции;
сите сметководствени бироа.

Почеток на обуката: 23 јануари 2024

Начин на реализација на курсот:

Предавањата ќе се одвиваат секој вторник во просториите на Институтот Практикум, со почеток во 17:30 часот со траење најдоцна до 20:00 часот.

Сите оние коишто не се можност да ги следат предавањата со физичко присуство, ќе можат да ги следат онлајн. Онлајн предавањата, кандидатите може да ги следат во било кое време што им одговара.

Максимален број на учесници во една група: 10

Начин на запишување на курсот:

Притиснете на жолтото копче КУПИ ГО КУРСОТ и по внесување на Вашите податоци изберете метод за плаќање. На располагање Ви стојат два метода: уплата во банка и плаќање со платежна картичка. Штиклирајте го полето пред Ги прочитав и се согласувам со условите и притиснете НАРАЧАЈ. Доколку изберете уплата во банка, ќе ги добиете генералиите за плаќање по e-mail порака.

Плаќањето може да го извршите еднократно или на рати. Повластената цена (со одобрен попуст) може да ја искористите за еднократно плаќање на целиот износ при уписот или може по редовната цена на обука плаќањето да го извршите во 6 еднакви месечни рати (15.000 денари по рата). Еднократното плаќање може да го извршите со користење на двата расположливи методи за плаќања, а плаќањето на рати, може да го извршите само со уплата во банка.

За да може да направите нарачка на курсот, прво треба да се регистрирате на веб-страницата. Постапката за регистрација е следната:

Притиснете на жолтото копче НАЈАВИ СЕ, кое се наоѓа до главното мени;
Изберете го линкот Регистрирај се сега;
Внесете корисничко име и E-mail адреса и притиснете на жолтото копче ЗАПИШИ СЕ;
Потоа ќе добиете e-mail порака за креирање на лозинка. Доколку пораката не стигне во Inbox сандачето, Ве молиме проверете го Spam/Junk е-mail сандачето.

На крајот на обуката следи завршно тестирање. Кандидатите, кои успешно ќе го положат тестот добиваат сертификат за стекнати знаења, вештини, способности и компетенции за занимањето РЕФЕРЕНТ ЗА ПЛАТИ И НАДОМЕСТОЦИ НА ВРАБОТЕНИТЕ

ДЕТАЛНА ОБРАЗОВНА ПРОГРАМА СО РЕЗУЛТАТИ ОД УЧЕЊЕТО

Модул 1: Поим и правна регулатива на платата и надоместоците од плата

Модуларна единица	Резултати од учењето
1 Правна рамка 2. Плата: елементи, исплата, задршки и порамнување 3. Надоместок на плата, трошоци и останати надоместоци 4. Видови на работно ангажирање 5. Паузи, одмори и отсуства	Учесникот кој успешно ја завршил програмата: Ги познава одредбите од Законот за работни односи кои се однесуваат на платата и надоместоците на вработените; Го познава Општиот колективен договор за приватниот сектор од областа на стопанството; Го познава Општиот колективен договор за јавниот сектор на Република С. Македонија; Ги познава гранските колективни договори;




	Учесникот кој успешно ја завршил програмата: Ги познава елементите на платата; Го познава Законот за минимална плата; Го познава концептот и начинот на пресметка на основната плата; Го познава групирањето на работите согласно степенот на сложеност на трудот; Го познава поимот и начинот на одредување на работната успешност; Ги познава додатоците на плата што им следуваат на работниците; Го познава додатокот за минат труд; Ги познава законските одредби во однос на исплатата на плата; Ги познава законските одредби за задршки и порамнување на платата.


	Учесникот кој успешно ја завршил програмата: Познава за кои отсуства од работа за работникот има право за надоместок на плата; Познава за кои трошоци поврзани со работата, работникот има право на надоместок; Ги познава и останатите надоместоци, кои му следат на работникот согласно регулативата во Република С. Македонија; Ги познава разликите во одредувањето на висината надоместоците и деновите на отсуство за кое следува надоместок на плата меѓу приватниот и јавниот сектор.



	Учесникот кој успешно ја завршил програмата: Разликува пробна работа, приправнички и волонтерски стаж; Разликува и ги познава законските одредби за полно и скратено работно време; Разликува и ги познава законските одредби за прекувремена и ноќна работа. ________________________________________ Учесникот кој успешно ја завршил програмата: Познава законски одредби за паузата, дневниот и неделниот одмор на вработените; Познава законски одредби за траењето и користењето на годишниот одмор на вработените; Познава случаи во кои работникот има право на платен одмор заради лични и семејни причини; Познава останати причини поради кои на вработениот му следува право на осуство со надоместок на плата; и Го познава поимот за мирување на работниот однос и случаите и причините поради кои работникот може да побара мирување на работниот однос.

Модул 2: Придонеси и даноци на плата
Модул 2: Придонеси и даноци на плата
Модуларна единица		Резултати од учењето
Придонеси за задолжително социјално осигурување и данок на личен доход 2.Електронски апликации на Управата за јавни приходи		Познава видови придонеси за задолжително социјално осигурување; Разликува даночни обврзници за придонеси за задолжително социјално осигурување и данок на личен доход; Познава и пресметува основица за пресметка на придонесите за задолжително социјално осигурување и данокот на личен доход за различни видови даночни обврзници; Познава и следи стапки на придонесите за задолжително социјално осигурување и данокот на личен доход; Познава и следи максимална и минимална основица за пресметка ; Врши пресметка за доплата до минимална основица; Пресметува придонеси за задолжително социјално осигурување и данок на личен доход; Познава стапки за придонес за стаж кој се смета со зголемено траење (бенефициран стаж). ______________________________________ Учесникот кој успешно ја завршил програмата: Го користи клиентскиот софтвер на УЈП МПИН за пресметка на бруто плата; Го користи електронскиот портал на УЈП e-pdd за пријава на данокот за личен доход;

Модул 3: Пресметка и книговодствена евиденција на бруто-плата и надоместоци на вработените

Модуларна единица	Резултати од учењето
Сметководствена евиденција 2. Бруто плата 3. Додатоци на основна плата 4. Надоместоци вклучени во основната плата 5. Надоместок на трошоците поврзани со работата 6. Останати надоместоци на вработените 7. Надоместоци согласно видови договори за работа 8. Даночни аспекти на надоместоците на вработените	Го познава поимот сметководство; Го познава принципот на двојно сметководство; Го познава поимот Контен односно Сметководствен план; Применува правилата за евиденција во Дневникот на книжење; Применува правила за евиденција во Главната книга на т-сметки; Разликува видови конта; Познава правила за евиденција на плати и надоместоци на вработените; Познава правила за евиденција на даноци и придонеси од плата; Ги познава меѓународните стандарди за регулатива на користите на вработените. _______________________________________ Пресметува, внесува во МПИН апликацијата и книговодствено евидентира бруто-плата за редовно работно време; Пресметува, внесува во МПИН апликацијата и книговодствено евидентира бруто-плата за скратено работно време; Пресметува, внесува во МПИН апликацијата и книговодствено евидентира бруто-плата за вработени со стаж на осигурување со зголемено траење; Пресметува, внесува во МПИН апликацијата и книговодствено евидентира бруто-плата за вработени инвалидни лица; Пресметува, внесува во МПИН апликацијата и книговодствено евидентира бруто-плата за самовработени лица; Пресметува, внесува во МПИН апликацијата и книговодствено евидентира бруто-плата за исплата на два или повеќе пати во месецот; Пресметува, внесува во МПИН апликацијата и книговодствено евидентира бруто-плата за вработен на кој му престанал работен однос и повторно е заснован нов работен однос; Пресметува, внесува во МПИН апликацијата и книговодствено евидентира бруто-плата за вработени, кои се ослободени од данок на личен доход и придонеси, согласно определени државни програми; Пресметува, внесува во МПИН апликацијата и книговодствено евидентира бруто-плата за дополнително работење кај втор работодавач; Пресметува, внесува во МПИН апликацијата и книговодствено евидентира задолжителни придонеси за управители и членови на управен одбор на трговски друштава, кои не се осигурени по друг основ. Спроведува, книговодствено евидентира и процесира во МПИН-апликацијата задршки и порамнувања од плата. Исправа погрешно внесени податоци во МПИН апликацијата. _______________________________________ Пресметува бруто плата со додаток на плата за работа на смени ; Пресметува бруто плата со додаток на плата за ноќна работа; Пресметува и внесува во МПИН апликацијата бруто плата со додаток на плата за прекувремена работа; Познава и применува одредби од Законот за трговија и Законот за празници за работа во недела и работа на празници; Пресметува и внесува во МПИН апликацијата бруто плата со додаток на плата за работа во недела; Пресметува и внесува во МПИН апликацијата бруто плата со додаток на плата за работа на празник; Пресметува и книговодствено евидентира бруто плата со додаток за деловна успешност; Пресметува бруто плата со додаток за минат труд; Пресметува, книговодствено евидентира и внесува во МПИН апликацијата 13-та плата. _______________________________________ Учесникот кој успешно ја завршил програмата: Познава законска регулатива за надоместок на плата по основ на боледување; Пресметува, внесува во МПИН апликацијата и книговодствено евидентира бруто-плата со боледување на товар на работодавачот; Пресметува, внесува во МПИН апликацијата и книговодствено евидентира бруто-плата со боледување на товар на Фондот за здравствено осигурување; Утврдува право и книговодствено евидентира надоместок за неискористен дел на годишен одмор. Учесникот кој успешно ја завршил програмата: Пресметува и книговодствено евидентира дневници за службени патувања во земјата; Пресметува и книговодствено евидентира дневници за службени патувања во странство; Пресметува и книговодствено евидентира додаток за работа на терен ; Пресметува и книговодствено евидентира надоместок за одвоен живот ; Пресметува и книговодствено евидентира надоместок за трошоци за користење на сопствен автомобил во службени потреби ; Пресметува и книговодствено евидентира надоместок за трошоци при селидба за потребите на работодавачот; Пресметува и книговодствено евидентира надоместок на трошоци за превоз и хранарина на работниците. Учесникот кој успешно ја завршил програмата: Пресметува и книговодствено евидентира регрес за годишен одмор; Познава основ, пресметува и книговодствено евидентира надоместок на вработените при разни дефинирани несреќни случаи; Пресметува и книговодствено евидентира јубилејна награда; Пресметува и книговодствено евидентира отпремнина за пензија; Пресметува и книговодствено евидентира испратнина за технолошки вишок; Пресметува и книговодствено евидентира новогодишен надоместок за вработените. Учесникот кој успешно ја завршил програмата: Пресметува, внесува во МПИН и книговодствено евидентира бруто-плата за приправници; Разликува видови договори за работа; Пресметува, спроведува преку e-pdd и книговодствено евидентира бруто-надоместок за работа по основ договор за дело; Пресметува, спроведува преку e-pdd и книговодствено евидентира бруто-надоместок за работа по основа на авторски договор; Пресметува, спроведува преку МПИН и книговодствено евидентира бруто надоместок за волонтерска работа; Пресметува, спроведува преку МПИН и книговодствено евидентира бруто надоместок за практиканти. Учесникот кој успешно ја завршил програмата: Пресметува и книговодствено евидентира данок на личен доход за надоместоците на вработените; Внесува аконтативна пресметка за данок на личен доход преку e-pdd порталот; Го познава начинот на одредување на основицата за пресметка на данок на добивка; Го познава ефектот на трошоците за надоместоците на вработените врз данокот на добивка.

Референт за плати и надоместоци на вработените, Специјалист за плати и надоместоци на вработените, Payroll Specialist, Referent za plati i nadomestoci na vrabotenite, obuka, Specijalist za plati i nadomestoci na vrabotenite, Payroll officer, kurs, обука, курс

presmetka na plata, MPIN aplikacija, пресметка на плата, МПИН

Карактеристики на курсот

Лекции 0
Квизеви 0
Студенти 10
Сертификат Да
Следење Да

Курикулумот е празен

Весна Мицајкова

Весна Мицајкова е доктор по економски науки со повеќе годишно искуство во финансискиот сектор и искуство како предавач на група предмети од областа на сметководството и финансискиот менаџмент на високообразовна институција.