Сертифициран курс за статистичка анализа и обработка на податоци

Државна верификација

Курсот за статистичка анализа и обработка на податоци се реализира по програма, верификувана од Центарот за образование  на возрасни и Министерството за образование на Република Македонија. Добиениот сертификат од овој курс има статус на државна диплома и истиот може да се пријави како квалификација во Агенцијата за вработување,  а со судски превод да се приложува и при апликации во странство.

Опис на курсот

Статистичката анализа на податоци има клучна улога во голем број на области.

Статистичките анализи се применуваат во:

• Економија, финансии, бизнис, маркетинг, човечки ресурси;
• Медицина, биологија, психологија, епидемиологија, фармација;
• Екологија, демографија….

Доколку сакате да ја зголемите профитабилноста и ефикасноста на Вашиот бизнис, да ја зголемите Вашата конкурентна предност на пазарот на трудот, да го зголемите квалитетот на Вашите научни и истражувачки трудови, курсот за анализа на податоци е тоа што Ви е потребно.

Курсот за статистичка обработка и анализа на податоци опфаќа суштинска теоретска обука за статистичка анализа на податоци и техничка обука за статистичка анализа во компјутерска програма. Компјутерската програма е бесплатна и учесниците може да ја користат без надомест и по завршувањето на курсот.

Совладувањето на материјата е поткрепено со практични примери од области согласно интересите на учесниците.

Цел на курсот

• Да ја научите суштината на статистичката анализа на податоци;
• Да научите како да вршите статистичка дескриптивна анализа на база на податоци со примена на PSPP програмата;
• Да научите како, врз основа на базата на податоци со кои располагате, да тестирате истражувачки хипотези со примена на PSPP програмата.

Резултати од курсот

• Способност за категоризација на податоците по видови и избор на најадекватен метод за статистичка анализа;
• Вештина за самостојна дескриптивна статистичка анализа на база на податоци, интерпретација на резултатите и соодветна графичка презентација;
• Вештина за анализа на анкетни прашалници;
• Способност за пронаоѓање на одговор на голем број на истражувачки прашања со примена на статистички тестови;
• Техничка вештина за користење на повеќето функционалности на PSPP програмата, а со тоа и на голем дел од SPSS програмата.

Што е PSPP?

• PSPP e бесплатен софтвер за статистичка анализa на податоци изработен по примерот на SPSS софтверот на IBM корпорацијата;
• PSPP ги има повеќе функционалности, што ги има и SPSS.

Познавањето на PSPP е корисно за:

• Лицата коишто работат со деловни бази на податоци (финансиски аналитичари, маркетинг аналитичари, специјалисти за човечки ресурси…);
• Истражувачи на јавно мислење;
• Лицата кои вршат истражувања и анализи во доменот на општествените или природните науки;
• Лицата кои се занимаваат со академска работа;
• Сите оние кои имаат намера да градат кариера во горенаведените области.

Потребни предзнаења:

• Основни познавања на компјутерско работење.

Времетраење на курсот: 25 часа (9-10 недели);

Почеток на курсот: 2 септември 2021

Начин на реализација на курсот: Сите предавања се поставени како видео лекции, до кои може да пристапувате во било кое време што Ви одговара. Нема ограничување во однос на бројот на преслушувања на една лекција, во рамките на времетраењето на курсот. Групата ќе се среќава еднаш неделно со професорот преку ZOOM. На средбите ќе се договараме за материјалот којшто треба да се помине за наредната недела, ќе ги поминуваме заедно тестовите и задачите за проверка на знаењето од поминатите лекции и ќе имаме можност да дискутираме околу сите нејасни прашања и прашања од интерес.

МОЖЕ ДА ГО ПОГЛЕДНЕТЕ И ВИДЕОТО СО ПРЕЗЕНТАЦИЈАТА НА КУРСОТ

Термини: Групата ќе се среќава онлај секој четврток во 18:00.

Завршниот тест ќе се реализира со физичко присуство во просториите на Институтот Практикум.

Сите учесници добиваат:

• Упатство за користење на PSPP програмата;
• Едноставен речник за статистика.

Начин на запишување на курсот:

Притиснете на жолтото копче КУПИ ГО КУРСОТ и по внесување на Вашите податоци изберете метод за плаќање. На располагање Ви стојат два метода: уплата во банка и плаќање со платежна картичка. Штиклирајте го полето пред Ги прочитав и се согласувам со условите и притиснете НАРАЧАЈ. Доколку изберете уплата во банка, ќе ги добиете генералиите за плаќање по e-mail порака.

За да може да направите нарачка на курсот, прво треба да се регистрирате на веб-страницата. Постапката за регистрација е следната:

• Притиснете на жолтото копче НАЈАВИ СЕ, кое се наоѓа до главното мени;
• Изберете го линкот Регистрирај се сега;
• Внесете корисничко име и E-mail адреса и притиснете на жолтото копче ЗАПИШИ СЕ;
• Потоа ќе добиете e-mail порака за креирање на лозинка. Доколку пораката не стигне во Inbox сандачето, Ве молиме проверете го Spam/Junk е-mail сандачето.

Кандидатите, кои успешно ќе го завршат курсот добиваат сертификат за стекнати знаења, вештини, способности и компетенции за СТАТИСТИЧКА АНАЛИЗА И ОБРАБОТКА НА ПОДАТОЦИ.

анализа на податоци, analiza na podatoci, курсеви за практични вештини, SPSS програма, статистичка анализа на податоци, statisticka analiza na podatoci, prakticni vestini, kurs, курс