Курс по сметководство (онлајн)

Опис на курсот

Курсот за сметководство е прилагоден за почетници, се почнува со изучување на основните сметководствени правила и принципи, па врз основа на нив се изучува книговодствена евиденција на повеќето економски настани во едно трговско претпријатие, како и изработката на финансиските извештаи: билансот на состојба, билансот на успех и извештајот за парични текови.

Цел на курсот:

• Да ја разберете суштината на сметководството;
• Да ги разберете и да научите како да ги применувате основните сметководствени правила и принципи;
• Да ја согледате комплетната слика, поврзаноста меѓу книговодството и финансиските извештаи;
• Да научите да вршите книговодствена евиденција на деловните трансакции: набавки, продажби, амортизација, плати, капитал, обврски, финансиски вложувања, временски разграничувања, залихи и ДДВ;
• Да ја научите структурата и начинот на изработка на финансиските извештаи.

МОЖЕ ДА ГО ПОГЛЕДНЕТЕ И ВИДЕОТО СО ПРЕЗЕНТАЦИЈАТА НА КУРСОТ

Начин на реализација на курсот:

На веб-страницата се поставени видео лекции за сите тематски единици, вклучени во курсот. Под делот КУРИКУЛУМ може да ги прочитате називите на сите лекции. До лекциите може да пристапувате во било кое време што Ви одговара Вам, нема ограничување во однос на бројот на преслушувања на една лекција, но целиот курс мора да го завршите во рок од 9 недели, по што пристапот до курсот ќе Ви биде прекинат. После секоја лекција, од делот сметководство, има тест, а успешното решавање на тестовите е услов за добивање на сертификатот. Финансиските извештаи се изучуваат врз основа на задача во која се презентирани економските настани, кои се случиле во едно трговско претпријатие во цел пресметковен период. Врз основа на евиденцијата на економските настани на тоа претпријатие во Дневникот на книжење, учиме како да ги изработиме билансот на состојба и билансот на успех.

Од лекциите, во склопот на курсот, може да ја превземете книгата Научи сметководство преку практични примери од д-р Весна Мицајкова, во која текстуално е презентиран изучуваниот материјал.

Курсот е наменет за:

• Вработените во сметководство и финансии, кои извршуваат парцијални работни задачи и имаат желба да се обучат за водење на комплетно сметководство;
• Сите оние кои имаат намера да градат кариера во областа на сметководството и финансиите;
• Претприемачите и менаџерите, за добијат подобра слика за финансиското работење, која ќе им овозможи подобро управување со бизнисот и остварување на поголем деловен успех;
• Студентите на економскиот факултет за полесно совладување на материјата од испитите по сметководство.

Времетраење на курсот: 9 недели

Кандидатите, кои успешно ќе го завршат курсот, добиваат сертификат. Сертификатот е електронски.

Начин на запишување на курсот:

Притиснете на жолтото копче КУПИ ГО КУРСОТ и по внесување на Вашите податоци изберете метод за плаќање. На располагање Ви стојат два метода: уплата во банка и плаќање со платежна картичка. Штиклирајте го полето пред Ги прочитав и се согласувам со условите и притиснете НАРАЧАЈ. Доколку изберете уплата во банка, ќе ги добиете генералиите за плаќање по e-mail порака. Откако ќе ја регистрираме Вашата уплата, ќе Ви овозможиме пристап до курсот и ќе добиете повратен e-mail со известување за тоа. Доколку изберете уплата со платежна картичка, ќе бидете пренасочени на страницата на CaSys за реализација на плаќањето. Пристапот до курсот ќе Ви биде овозможен, веднаш по реализацијата на плаќањето.

Откако пристапот до курсот ќе Ви биде овозможен, до курсот ќе може да пристапите преку елементот профил од главното мени на веб-страницата.

НАПОМЕНА: Избегнувајте го Internet Explorer, подобро е да го следите курсот преку поновите пребарувачи (на пример Chrome).

За да може да направите нарачка на курсот, прво треба да се регистрирате на веб-страницата. Постапката за регистрација е следната:

• Притиснете на жолтото копче НАЈАВИ СЕ, кое се наоѓа до главното мени;
• Изберете го линкот Регистрирај се сега;
• Внесете корисничко име и E-mail адреса и притиснете на жолтото копче ЗАПИШИ СЕ;
• Потоа ќе добиете e-mail порака за креирање на лозинка. Доколку пораката не стигне во Inbox сандачето, Ве молиме проверете го Spam/Junk е-mail сандачето.

kurs po smetkovodstvo, finansisko smetkovodstvo, prakticni vestini