Извештај за парични (готовински) текови

Додека билансот на состојба и билансот на успех се традиционални финансиски извештаи, извештајот за парични (готовински) текови е извештај од понов датум. Изработката на извештајот за парични текови е регулирана со Меѓународниот сметководствен стандард 7. МСС 7 не предвидува дефиниран образец за изготвување на овој извештај, односно стандардот укажува дека ентитетите треба да ги презентираат своите парични текови на начин кој најпогоден за нивното деловно работење.

Непостоењето на дефиниран образец за изработка, надополнето со фактот дека изработката на извештајот за парични текови во Република Македонија е задолжителна само за големите и средните субјекти, придонесува голем број на сметководители да не се сигурни во своите знаења за подготовка на овој извештај.

Извештајот за парични (готовински) текови, всушност, не е ништо друго, освен класифицирање на приливите и одливите на паричните средства во едно претпријатие по 3 вида на активности и начинот на неговата изработка е прилично логичен како и се останато во сметководството.

Обуката за извештајот за парични текови е дизајнирана да ве оспособи за самостојна изработка на овој извештај и да ве научи како да вршите негова анализа.

Цели на курсот / Очекувани резултати

• Да научите да вршите самостојна изработка на извештајот за парични (готовински) текови;
• Да научите да вршите анализа на извештајот за парични (готовински) текови.

Потребни предзнаења

• Познавања од книговодствената евиденција;
• Познавања на структурата и содржината на билансот на состојба и билансот на успех.

Курсот е наменет за:

• Лицата, кои работат или сакаат да градат кариера во областа на сметководството или финансискиот менаџмент.

Времетраење на курсот: 6 часа;

Термини на одржување на часовите: 

10 декември од 17:30 до 19:00;

12 декември од 17:30 до 19:00;

17 декември од 17:30 до 19:00;

Рок за пријавување: 06 Декември

Учесниците на курсот добиваат сертификат.

Извештај за парични (готовински) текови, курс заизвештај за парични готовински текови, Меѓународен сметководствен стандард 7, МСС 7, извештај за cash flow, Izvestaj za paricni (gotovinski) tekovi, kurs za izvestaj za paricni (gotovinski) tekovi, Megunaroden smetkovodstven standard 7, MSS 7